اليوم: 23 أكتوبر، 2020

طلبات السوق عادة ممكن تتجاب من اكتر من مكان، وكل مكان ليه اسعاره وبتختلف من مكان لمكان، فيه محل بيبعها بسعر غير سعر المحل التاني ويمكن يكون متقاريبن في الاسعار او فيه فرق كبير في الاسعار، فبالتالي عروض الاسعار للمنتجات دي تفرق مع العميل.

مقارنة الاسعار عادة بتم بين حاجتين متماثلتين، على سبيل المثال المقارنة بتكون بين كيلو تفاح من محل وكيلو تفاح من محل اخر، كيس رز من محل وكيلو رز من محل تاني، شامبو ضد القشرة من صيدلية وشامبو اخر ضد القشرة من صيدلية تانية وهكذا.

الفكرة اننا دايما بنقارن بين حاجتين قريبين او متشابهين لبعض ممكن يتجابو من اكتر من مكان، وهنا دور وصفة انها بتبعت طلبات العميل للمحلات، الصيدليات، البقالات، الجزار، المسمكة، الفرن، او اي تصنيف العميل إختاره، وتبعتهم لمقدمي الخدمات، وتسأل كل واحد فيهم عندك الاصناف دي؟. لو مقدم الخدمة عمل قبول للطلب، بيدأ يعمل عرض سعر مع تسعير الاصناف ويبعتها للعميل.

كل واحد من مقدمي الخدمات دول بيعمل نفس الإجراء، وبيجهز عرض سعر ويبعته، والعميل كل الي عليه انه يستقبل عروض الاسعار ويقبل المناسب منها.

اختيار العميل لأحد عروض الاسعار دي بيرجع لقراره هو بس، فمثلا العميل ممكن يقبل عرض سعر معين علشان ارخص، او لانه قريب منه كمكان، او ان مقدم الخدمة قدمله الاصناف الي طلبها العميل بالظبط بدون اي بدائل، او لان التقييمات الخاصة بمقدم الخدمة كلها ايجابية. المهم ان الاختيار بيرجع للعميل.

ألية إرسال طلبات العميل لمقدمي الخدمات لطلب عروض الاسعار:

وصفة بتبعت طلب العميل لأول اقرب خمسة من مقدمي الخدمات المتاحين، ويقدرو يوصلو الطلبات لمكانه في حالة لو كان نوع الطلب توصيل. او ان مقدمي الخدمات متاحين في محافظة أو مدينة العميل، وده لو كان نوع طلب العميل خدمة ذاتية. بعد كده وصفة حتنتظر عروض الاسعار الخاصة بـ مقدمي الخدمات لترسل للعميل، وهنا وصفة حتنتظر قرار العميل، يإما بالقبول او الرفض، او لحد ما عروض الاسعار الي استقبلها العميل مدة صلاحيتها تنتهي.

وفي حالة ان العميل رفض كل عروض الاسعار الي اتقدمت، او صلاحية عروض الاسعار كلها انتهت، وصفة حتعمل محاولة تانية، وتشوف تاني اقرب خمسة من مقدمي الخدمات متاحين او مستقبلوش الطلب ده قبل كده، علشان تطلب منهم عرض سعر لطلبات العميل وهكذا.